luns, 18 de abril de 2016

Cultura e humor

A Facultade de Humanidades da USC celebra a partir de mañá martes 19 ata o 22 deste mes de abril, a XII edición do Curso de Primavera, co patrocinio de Lugo Cultural
O título Cultura e Humor evoca o ensaio do pensador friolés Celestino Fernández de la Vega "O segredo do humor" (1963). 
Como indican os seus promotores trátase dunha temática o suficientemente ampla como para poder ser abordada de xeito interdisciplinar polo conxunto de áreas representadas nesa Facultade, a única definida como interdisciplinar en toda a USC.
Novamente Cilistro e a súa obra volve vertebrar unhas xornadas culturais na capital luguesa.  

domingo, 28 de setembro de 2014

O centenario en Criticalia




No blog de Galaxia


Lugo recorda a palabra e a obra de Fernández de la Vega




Revista oral Castronela dedica a Celestino Fernández de la Vega

Higinio M. F. dela Vega en plena exposición
Onte á tarde no Museo de San Paio desenvolveuse o nº 3 da revista oral Castronela cunha asistencia de público maior da esperada.A revista estivo dedicada integramente a Celestino Fernández de la Vega conmemorando así o centenario do nacemento do pensador friolés .
As diferentes intervencións zumegaban o agarimo que lle tiñan ao homenaxeado os diferentes oradores; ben por razóns de familiaridade, amizade ou simple coñecemento do autor ou da súa obra. As mesmas foron festonadas coa música da violonchelista  Paula Rancaño e os relatos humorísticos  ben acaídos de Lois Pérez.
Tanto Ramón  López Vázquez, estudoso da figura de Cilistro como deixou ver na súa maxistral intervención, como o anecdotario xuvenil que nos achegou Higinio M.F. de la Vega, transportaron ao público asistente ao Lugo que viviu e conformou a existencia de Celestino. 
Pola súa banda, Alfonso Blanco Torrado percorreu os inicios de Xermolos - asociación guitiricense-- e a axuda, colaboración e ánimos que desde o seu posto no daquela Goberno Cívil lles prestou o homenxeado.
A guinda púxoa María Luisa Maceda, viúva do autor que visiblemente emocionada completou o retrato perfilado polos oradores anteriores.
Como resumo só queda felicitar tamén aos organizadores: un luxo de revista.
As fotografías correspóndense coas intervencións de Higinio Martínez F dela Vega, Lois Pérez e Ramón López Vázquez